المساعد الشخصي الرقمي

مشاهدة النسخة كاملة : احكي لك بهمسي


طّلآل
12-05-2019, 07:42 PM
احكي لك بهمسي وبالصوت ادرايك
خوف اجرح احساسك بليا اعتمادي

غلطتك انت حرفت بمباديك
وخذاك مني على التوه غادي

إياك ترجع لي وتحكي عذاريك
يكفي انك انت اللي اصبحت بادي

اليوم تضحك وبكره يبكيك
وقتٍ مع الايام تشكي الوحادي

تعرف قدر منهو يحبك ويغليك
امطيع لك مخلص بليا عنادي

ان كان ربي كاتبٍ لك اراضيك
هذا عطا منهو له احنا عبادي

وان كاتب لك بها العمر يشقيك
النار تارث عقب شعله رمادي

لاعاد تطريني ولاعاد انا اطريك
لامني زادك ولامنك زادي

ماذقتها نارٍ على القلب تكويك
حتى تحس بلوعتي واجتهادي

في خاطري بالحيل قطعت مساعيك
كنك على حلمٍ لفاني برقادي

واليوم مثل الغريب انت اساويك
اجهل لك الكلمه ولو انك تنادي

انت الظلام وظلمته في حشاويك
اطفيتها شموعٍ كانت لك وقادي

طبعك تبيع اللي من الناس يشريك
اهل القلوب اللي تجدهم مبادي

الله اخذ منك ولكنه معطيك
حسن الجمال وصيغته بازديادي

فيك المرض شخصي ولا من يداويك
مغرور في علتك وزاد التمادي

ألومك انت ما الوم واشيك
كيف انك بحب العمر به تفادي

انسى زماني وانا بنسى ماضيك
ذنب اقترفته ترى ماهو عادي


مخآوي آلليل

حكاية
12-05-2019, 09:09 PM
روووعة وجدا هذا الاقتطاف
جميلة هاته الذائقة
قصيدة من اجمل ما قرات
صح لسان شاعرها
وسلم جلبك وهذا الاتحاف
دام هطولك ثريا
لك احترامي وتقديري

طّلآل
12-06-2019, 11:44 AM
كل الشكر والأحترام لك اخت حكاية
سعدت بوجودك .

عيوق
12-06-2019, 01:49 PM
الله الله
ذائقة جميله ياطلال

سلمت ..

طّلآل
12-08-2019, 07:53 AM
كل الشكر والأحترام لك اخت عيوق
سعدت بوجودك .

عيوني سميتك
12-14-2019, 03:49 AM
يعطيك الف عافيهه
على روعه الاختيار
سلمت يمناك

طّلآل
12-22-2019, 02:54 PM
الله يعافيك عيوني سميتك