المساعد الشخصي الرقمي

مشاهدة النسخة كاملة : بيض الله وجهك اللي ساتره تحت القناع


أنا
12-09-2019, 02:32 PM
لو خسرتك ماخسرت العمر والدنيا متاع..
وأدري إني لو خسرتك ماخسرت إلا القليل..
بس فكر زين ..تعرف من خسر فينا وضاع..
وتعرف إنك لو تلف الأرض.. وتدور بديل..
والله إن تبطي ..ولو لفيت كل البقاع..
ولو تسوي وش تسوي ماأنت لاقي لي مثيل..
وين تلقى مثل شخصي شخص..وطباعي طباع..
ووين تلقى مثل قلبي قلب..أو مثلي خليل..
البشر واحد..نعم..لكن فرق الإنطباع..
يجعلك يمي تميل ..ويم غيري ماتميل..
يارفيقي إنتبه..!وأحسن إلي الإستماع..
للمواقف دور في كشف المزيف..والأصيل..
وأنت ماقصرت فيني ..موقفك جداً شجاع..
طعنتك بالظهر فعلاً كانت إثبات ودليل..
بيض الله وجهك اللي ساتره تحت القناع..
ورايتك بيضا معاي وياعسى عمرك طويل..
يعني أعطيك الثقه وتردها بـ<لوي الذراع>..
ياخي ماشاالله عليك أبدعت في رد الجميل..
مدري كيف أشكرك ؟؟مدري كيف أرد الصاع صاع؟..
كنت احسب إنك عزيز النفس..تطلع لي ذليل!!..
كم وأنا عيت أصدق فيك قدر المستطاع..
من غبائي كنت أسكت وأعذرك وأثر الحصيل؟..
جرح قلب.. ميزته في كل يوم الإتساع..
ودمع عين ينهمر من ضيقتي..في كل ليل..
والله إني كنت أحبك حب.. وأتبعك إتباع..
كنت لجل أرضي غرورك بس أسوي المستحيل..
كنت أعمى فيك..لالا كنت ميت للنخاع..
كنت مدري كيف؟ لكن كنت صادق معك حيل..
كنت أمارس في غرامي لك سياسة الإنصياع..
وكنت لاغي معك فكرة أعتزل أو أستقيل..
إندفعت بكل مافيني ..وسوء الإندفاع..
يجبر الإنسان أحياناً.. يفكر بالرحيل..
صدمتي فيك إنت..خلتني أفكر بإقتناع..
إن قتل النفس راحه لو أنا كنت القتيل..

،،

عَآزفّ النّآي
12-09-2019, 02:45 PM
صح ذوقك يا أنتي
ابيات تحكي واقع مؤلم
كل الأحترام ,

أنا
12-09-2019, 05:43 PM
منور بحظورك.

عيوق
12-09-2019, 06:54 PM
كل بيت يقول الزين عندي ماشاء الله
حقيقة استمتعت بالقراءه
وممتنه لذوقك الأكثر من رائع..


سلمتِ

عيوني سميتك
12-14-2019, 03:50 AM
يعطيك الف عافيهه
على روعه الاختيار
سلمت يمناك

حنآيآ الروح
12-14-2019, 07:29 AM
ابيات روعة واكثر
سلمتي وسلِم لنا هذا الطرح المميز
تقديري واحترامي..