المساعد الشخصي الرقمي

مشاهدة النسخة كاملة : لاتلومني ..


عَآزفّ النّآي
11-21-2019, 10:32 PM
لاتلومني لاجيت كلي من اقصاي
مافيه غيرك لاتضايقت جيته

جيتك ولاغيرك ذكرته بمسراي
جيتك وكل انسان غيرك نسيته

جيتك وانا ماني بأنا تايه الراي
جيتك وانا مدري وش اللي بغيته

جيتك وقلبي دقته تسبق خطاي
جيتك اقول مفارقك ماقويته

ان مر يومٍ بالعمر منت وياي
اشتاق لك شوق المسافر لبيته

مثل الهوا تحتاجه الناس والماي
يحتاج لك قلبٍ هواك وهويته

دامك معي ماقصرت يوم دنياي
دامي خذيتك وش بقا ماخذيته

وانك ان تنشدني بعد ليه انا جاي
ابشر بردٍ يقنعك لاقريته

جيت اعترف بالفرق يا اخر مناي
بينك وبين اللي عشانك جفيته

اني ليا من جيت لك ( همك رضاي )
واني ليامن جيت له ( مالقيته )

لاتلومني لاجيت كلي من اقصاي
مافيه غيرك لاتضايقت جيته

:

ثامر شبيب

أنا
11-21-2019, 11:09 PM
اشكرك لـ اختيار المميز
يعطيك العافيه

عَآزفّ النّآي
11-21-2019, 11:33 PM
https://v.3bir.net/3bir/2012/03/12887423068-1.gif